By: Aine Grace Bravo/Ariel Solacito | January 12, 2021

ILOILO – Handa si Iloilo Governor Arthur Defensor, Jr., nga magpabakuna kontra sa COVID-19.

Suno sa gobernador, indi siya magpangduha-duha nga magpabakuna kun ma-aprubahan ini sang Food and Drug Administration kag mahatagan sang Emergency Use Authority.

“Huo. Basta na-aprubar lang sang Food and Drug Administration. Nahatagan naton sang Emergency Use Authority, pwede,” suno sa gobernador.

Indi pwede suno sa iya nga kun may ginatanyag sa isa ka tawo, indi maggamit ang nagatanyag sini.

Pero kun limitado ang supply sang bakuna, dapat unahon ang mga pumuluyo imbes ang iya kaugalingon ilabi na ang mga nagakinahanglan gid.

“Dapat kun may bakuna kita kag indi na siya damo, unahon ta anay ang tawo ta, indi nga unahon ta pa ya ang akon. Pero kun pamangkuton mo ko mapabakuna ko? Pwede!”

Samtang, may option naman ang mga residente nga magpabakuna ilabi pa nga bag-o lang ang COVID-19 vaccine kun mangin available na sa probinsiya. –via Firingline