By: Aine Grace Bravo | January 14, 2021

ILOILO  – “Isa man siguro ako nga una makapa-“injection.””

Ini ang sabat ni Concepcion Mayor Raul Banias sa pamangkot kun handa siya magpabakuna sang COVID-19 vaccine.

Suno kay Banias, frontliner siya bangud isa siya ka doctor kag magluwas sini, senior citizen naman siya nga may mga ginapangbatyag sa lawas.

Apang, ginklaro ni Banias nga mapili siya sang vaccine nga safe kag mataas ang efficacy rate.

BUDGET SA COVID-19 VACCINE

Nag-alokar ang local government unit sang Concepcioon sang P2 million tubtob P3 million nga budget sa pagbakal sang COVID-19 vaccines, suno kay Mayor Banias.

Unahon nga bakunahan ang mga frontliners kag senior citizens nga may comorbidities, suno sa alkalde.

Ginpahayag pa ni Banias nga mahapos malab-ut ang target nga 70% tubtob 80% sang populasyon sa bug-os nga pungsod nga mabakuhan kun magbinuligay ang kabanwahan, private sector kag ang national government. –via Aksyon Reports Afternoon Edition