By: Aine Grace Bravo | January 15, 2021

CAPIZ – Nakahanda si Capiz Governor Esteban Contreras nga magpabakuna sang COVID-19 vaccine.

Pero handa man siya magpa-iway agud mauna ang mga yara sa priority list sang national government.

“Willing gid kita magpabakuna, pero siguro mapa-ulihi na lang kita. I think, we owe it to our frontliners, mga health care workers, sa mga senior citizens nga mauna naton sila mabakunahan,” suno kay Contreras.

Posible man, suno kay Contreras, nga may anti-bodies na siya matapos naka-recover sa COVID-19.

Agosto sang nagligad nga tuig sang na-infect sang COVID-19 ang gobernador.

PONDO SA COVID-19 VACCINES

Ginapapreparar ni Governor Contreras ang P70 million nga pondo agud ibakal sang COVID-19 vaccines para sa probinsya.

Gina-encourage man ni Contreras ang mga LGUs nga mag-alokar sang pondo agud maka-purchase ang probinsya sang mga bakuna nga maka-cover sa tanan nga mga dapat bakunahan. –via Firingline