Iloilo province, nakasulod sa Top 10 richest provinces sa Pilipinas
By: Aine Grace Bravo | January 15, 2021
ILOILO – Nagtupa sa ika-10 nga pwesto ang Iloilo Province nga pinakamanggaranon nga probinsya sa pungsod nga may P13.034 billion nga assets.
Ini ang base sa 2019 Annual Financial Report sa mga local government units (LGUs) sang Commission on Audit (COA).
Nagapabilin nga pinakamanggaranon nga probinsya sa Pilipinas ang Cebu nga may P203.9 billion nga balor sang assets.\
Nagapangaduha ang Batangas nga may P20.793 billion assets.
Nagapangatlo ang Rizal nga may P20.275 billion kag Davao de Oro nga may P20.1 billion.
Nalakip man sa Top 10 ang Bukidnon nga may P18.294 billion, Surigao Del Norte nga may P16.684 billion, Negros Occidental nga may P15.901 billion, Leyte nga may P13.541 billion kag Palawan nga may P13.036 billion. –via ABS-CBN