ILOILO CITY — Ginhingyo ni Iloilo City Mayor Jerry Treñas ang mga Ilonggos nga dapat sundon gid ang ginapatuman nga minimum health protocols bangud nagasaka naman ang kaso sang COVID-19 sa Iloilo City.

Ini ang nagtulod sa alkalde nga indi pagdayunon ang ginaplano sang Iloilo Festivals Foundation Incorporated nga food festivals may kaangtanan sa Dinagyang Digital 2021 kag base man sa rekomendasyon sang Iloilo City COVID-19 team.

“Gina-recognize subong sang [Ioilo City] COVID-19 Team nga nagapasaka ang mga kaso ta [COVID-19].

We want to make sure that everyone is safe. And because of that reason we have decided not to allow the food festival, plan by the Iloilo Festivals Foundation [Incorporated] and the other partners.

Pila ni ka bilog nga food festival nga ginaplano, tanan ginpa-untat naton.”Indi niya luyag suno sa iya nga magpadayon ang paglapta sang virus rason nga ginpauntat ang mga ginaplano nga aktibidad.

“HINGYU SA PUBLIC TRANSPORT, MALLS”

Nagpangayo man sang bulig ang alkalde sa Land Transportation Franchising and Regulatory Board, compliance team kag PNP nga siguruhon nga masunod ang health protocols sa mga public transportations.

Ginpahanumdom niya ang pagsuksok sang face mask kag face shields lakip na ang mga nagapadulong sa mga malls.

Dapat suno sa alkalde nga istrikto nga ibawal ang mga naga-edad 15-anyos panubo kag 65-anyos, pataas nga makasulod.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply