IATF, gin-aprubahan ang pag-operate sang public transportation base sa ila kapasidad sa mga lugar nga ginapaidalum sa MGCQ kag GCQ

Iloilo City — Gin-aprubahan na sang Inter Agency Task Force ang pag-operate sang public transportation base sa ila kapasidad sa mga lugar nga sa idalum sang General Community Quarantine kag Modified General Community Quarantine.

Base sa IATF Resolution Number 94 nga napirmahan kahapon, Enero 14, gin-revised ang Omnibus Guidelines in the Implementation of Community Quarantine sa pag-operate sang public transportation sa mga lugar nga ginapaidalum sa GCQ kag MGCQ.

Sa C.7 sang nasambit nga resolution, ginpahanugutan na ang pag-operate sa ila kapasidad sang public transportation apang subject sa protocols nga ginapatuman sang Department of Transportation.

“The road, rail, maritime, and aviation sectors of public transportation shall be allowed to operate at such capacity and following the protocols as provided for by the DOTr.”

Antes ang amo nga revision, 50% lang sang kapasidad sang Public Utility Vehicle ang ginapahanugutan.

Sa syudad kag probinsya sang Iloilo, nag-install ang mga jeepney drivers kag operators sang barrier sa tunga sang mga pasahero.

Sa mga bus naman, one-seat apat ang ginapatuman.

Ginatinguhaan sang Aksyon Radyo Iloilo nga makuhaan sang pahayag si LTRFB6 Dir. Richard Osmeñas kag ang nagkalain-lain nga public transport groups apang wala pa sila nakahatag.