Nagpanguna ang Iloilo City sa may madamo nga bag-o nga kaso sang COVID-19 sa Western Visayas kahapon, Enero 16.
Base sa case bulletin No. 295 sang Department of Health 6, 31 ka bag-o nga kaso ang nadugang sa rehiyon.
Sa 31, 12 halin sa Iloilo City; Iloilo Province pito ; anum sa Negros Occidental; kag tag-tatlo sa Capiz kag Aklan.
Wala sang bag-o nga kaso sa Antique, Bacolod City kag Guimaras.
Gin-report man sang DOH 6 ang 12 new recoveries kag duha ka bag-o nga napatay.
Bangud sini, ang Western Visayas may 22,241 na kaso lakip ang 721 ka active cases, 20,827 total recoveries kag 687 ka total deaths bangud sa COVID-19. | via DOH 6