Mga matag-as nga opisyal sa Western Visayas, nagsapol sa pagbakal sang COVID-19 vaccines
By: Aine Grace Bravo | January 18, 2021
ILOILO CITY – Nagsapol ang mga matag-as nga opisyal sa Western Visayas kahapon, Enero 17.
Lakip sa mga nagtambong sanday Iloilo City Mayor Jerry Treñas, Iloilo Gov. Arthur Defensor Jr., Antique Gov. Rhodora Cadiao, Guimaras Gov. Samuel Gumarin, Capiz Gov. Esteban Contreras, Aklan Gov. Florencio Miraflores, Negros Occidental Gov. Eugenio Jose Lacson.
Yara man sa sinapol sanday former Guimaras Congressman kag Governor Dr. JC Rahman Nava, kag former 3rd district of Negros Occidental Representative Alfredo Benitez.
Sa post ni Mayor Treñas sa iya Facebook page, gindiskusyunan sa sinapol ang procurement sang COVID-19 vaccine para sa safety sang mga pumuluyo.
Bilang One Western Visayas suno sa iya, matingub sila sa pag-away batuk sa COVID-19 kag mapangapinan ang kabuhi sang mga tawo.
Sa Rehiyon 6 ang LGU sang Iloilo City, Iloilo Province kag Bacolod City pa lang ang nakapirma sang multilateral agreement sa pagbakal sang COVID-19 vaccine sa AstraZeneca.
Samtang may ginpa-in naman nga pondo ang kada probinsiya kag siyudad sa pagbakal sang bakuna. –via Mayor Jerry Treñas