Iloilo City COVID-19 team, nag-identify na sang vaccination sites para sa COVID-19 vaccines

By: Aine Grace Bravo | January 19, 2021

ILOILO CITY – 21 ka vaccination sites para sa COVID-19 vaccines sa syudad sang Iloilo ang gin-identify sang COVID-19 team.

Suno kay Dr. Roland Jay Fortuna, focal person sang team, ginsapol ni Mayor Jerry Treñas ang mga medical officers sang City Health Office sang Enero 18 kag diri una nga gin-identify ang siyam ka gyms nga malapit sa mga district health centers agud mangin vaccination areas.

Apang agud mapadasig ang pagpangbakuna, gindoble ini sang team.

Naka-identify naman sang 150 vaccinators nga mga personnel sang City Health Office ang syudad.

Ginatun-an pa, suno kay Fortuna, kun kinahanglan magdugang agud magbulig sa vaccination drive. –via Aksyon Reports Morning Edition