Mga indi taga-Iloilo City pero nagatrabaho sa syudad, ginsakup sang City Government sang COVID-19 vaccines
By: Aine Grace Bravo | January 19, 2021
ILOILO CITY – Ginpahibalo ni Iloilo City Mayor Jerry Treñas nga nagdugang ang city government sang 200,000 doses sang COVID-19 vaccine para sa mga indi taga- Iloilo City pero nagatrabaho sa siyudad.
Suno kay Treñas, sa AstraZeneca man gin-order ang dugang nga doses.
“Nagdugang kami another 200,000 [doses] para sa mga tawo nga ari diri nga naga obra nga indi taga syudad. Although daw second priority na sa AstraZeneca pero ato na ato sa ila. Assuming nga mahatag sang Astra[Zeneca] ang tanan nga ginapangayo ta, we will have vaccine for 400,000 people at two doses each. So damu-damo na so by that time siguro ready-ready naman ta,” suno sa alkalde.
Una na nga nagpirma si Treñas sang agreement sa AstraZeneca para sa advance purchase sang 600,000 doses sang COVID-19 vaccine para sa siyudad. –via Mayor Jerry Treñas/FB