Igbaras, Iloilo—Na-rescue sang mga personnel sang Igbaras Fire Station ang 10 ka tuig nga bata nga lalaki nga nahulog sa bubon sa Barangay 2, Poblacion las 2:47 subong nga hapon.

Sa bulig nanday SFO3 Rafaelito Eria, officer-in-charge sang Igbaras Fire Station; FO1 Daryl Solero; FO1 Mart Adrian Santacruz kag FO1 John Robert Zagala, naluwas ang bata sa 30 ka tapak nga kadalumon sang bubon.

Sa imbestigasyon sang Igbaras Fire Station, nagapaligo ang bata sang nagpatong siya sa taklob sang bubon bangud indi niya malab-ut ang nakahalay nga bayo.

Pero gulpi lang nga narumpag ang taklob sang bubon kag nahulog siya.Gindala sa ospital ang bata para sa dugang nga pagbulong.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply