Iloilo — Nagreklamo ang 12 anyos nga dalagita sa Mina nga ginhimuslan siya sang duha (2) ka mga lalaki nga mga chatmates niya.

Suno kay Lt. Gina Fernandez, hepe sang Mina Police Station, ginabanta 9:00 P.M. sang Enero 15 sang ginsugat ang tagreklamo sang 18-anyos nga lalaki gamit ang motorsiklo para magtambong sa birthday celebration.

Birthday sang pakaisa sang 19-anyos nga lalaki nga lakip man sa mga ginareklamo.

Pagkatapos panyapon kag inom sang whisky sa birthday celebration, naglisensya na ang tagreklamo nga magpauli.

Ugaling, bangud sa lain nga banwa nagapauli ang tagreklamo kag gab-i na, ginhagad siya sang mga ginareklamo nga didto matulog sa balay sang 19-anyos.

Ang 19-anyos lang nagatulog sa ila balay. Ginabanta 10:00 PM na sang nag-abot ang tatlo sa balay sang 19-anyos.

Gilayon nga naglakat ang duha ka ginareklamo pagkatapos himulos sa 12-anyos suno kay Fernandez.

Nakatulog naman ang tagreklamo kag pagka-aga na lang nag-report sa pulis pagkatapos pauli sa ila balay.

Gin-subject sa medico-legal examination ang 12-anyos kag positibo nga nahimuslan siya suno sa pulis bangud sang nakita nga laceration sa iya kinatawo.

Regular filing ang ipasaka nga kaso batuk sa mga ginareklamo.

Ginpahayag nga tatlo ka bulan na nga chatmates sang dalagita ang mga ginareklamo.

Upod sang tagreklamo sa ila balay ang iya lola bangud yara sa luwas sang pungsod ang iya ginikanan.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply