By: Aine Grace Bravo | January 20, 2021

ILOILO CITY – Nagpanguna ang Iloilo City nga may pinakamadamo nga new cases sang COVID-19 sa Western Visayas kahapon, Enero 19.

Base sa Case Bulletin No. 298 sang Department of Health 6, 16 ka bag-o nga kaso ang na-record sa Iloilo City; 15 sa Negros Occidental; 13 sa Bacolod City; kag tag-duha sa Capiz kag Iloilo province.

Wala sang bag-o nga kaso sa Aklan, Antique kag Guimaras.

Gin-report man sang DOH 6 ang 22 new recoveries kag isa ka bag-o nga napatay.

Ang Western Visayas may 22,388 na ka kaso lakip ang 779 ka active cases; 20,915 ka total recoveries kag 688 ka total deaths bangud sa COVID-19. –via DOH 6