Menor-de-edad, nasapwan patay sa Pavia, Iloilo

By: Aine Grace Bravo | January 20, 2021

ILOILO – Patay na sang nasapwan ang menor-de-edad nga nagakayaon sa tunga sang karsada sa Pagsanga-an, Pavia las 4:45 kaina sang kaagahon, Enero 20.

Ginkilala ang menor-de-edad kay Dominic Gumban, 17-anyos sang Cabugao Norte, Pavia, Iloilo nga may pilas sa liug kag tiyan.

Suno sa iloy sang biktima nga si Nova Joy, wala man sang nasugid nga kaaway ang iya bata.

Pero iya gin-ako nga masabad gid man ang iya nga bata kun mahubog.

Posible suno sa iloy nga may ginsita ang iya nga bata kagab-i kabangdanan nga ginbalusan.

Padayon ang imbestigasyon sang mga pulis sa natabo. –via Francisco “Kikik” Enar