Mga LSIs nga nagapauli sa Iloilo City, kinahanglan na magpirma sang undertaking antes magpauli sa siyudad
ILOILO CITY — Kinahanglan nga magpirma sang affidavit of undertaking ang mga locally stranded individuals (LSIs) antes magpauli sa syudad.
Ini ang pagbag-o nga gin-imponer sang Iloilo City Government sa pag-resume sa pagpauli sang mga LSIs sa syudad sugod Enero 22, 2021.
Suno kay COVID-19 Team Spokesperson Jeck Conlu, tuyo sini nga indi na makabalibad ang mga LSIs nga magpaidalom sa RT-PCR test kag mahibaluan nila ang mga protocols sa ila pag-abot.
Ginpahayag ni Conlu nga pareho man sa gihapon ang mga requirements sa pagpauli sa syudad nga amo ang notice of coordination/acceptance, medical certificate kag affidavit of undertaking.