By: Aine Grace Bravo | January 21, 2021

ILOILO CITY –Nagpanguna ang probinsya sang Iloilo sa Western Visayas sa may madamo nga bag-o nga kaso sa COVID-19, base sa ginpagguwa nga data sang Department of Health 6 subong nga adlaw, Enero 21.

Sa Case Bulletin Number 300 sang DOH 6, 72 new cases ang nagdugang sa probinsya sang Iloilo, ginsundan sang Iloilo City –17, Bacolod City –8, Capiz –6, kag Aklan –5.

Wala naman sang may na-record nga bag-o nga kaso ang Antique, Guimaras, kag Negros Occidental.

22, 544 na ang na-infect sang virus sa rehiyon bangud sa 108 new cases nga nagdugang.

27 naman nga nagdugang sa listahan sang DOH 6 nga naka-recover rason nga nagsaka na sa 20, 967 ang nag-ayo sa rehiyon.

Nagapabilin sa 688 ang napatay. –via DOH 6