Job hire sa Sibalom, Antique, patay sa riding-in-tandem

By: Aine Grace Bravo | January 21, 2021

ANTIQUE – Patay ang job hire sang Municipal Disaster Risk Reduction and Management Office (MDRRMO) sa Sibalom, Antique sang gintiro sang riding-in-tandem sa Brgy. Igdalaguit sa amo man nga banwa las 7 kaina sang aga, Enero 21.

Ginkilala ni Mr. Emmanuel Marron sang MDRRMO ang biktima kay Vernel Mondreal, 22-anyos sang Igpanulong, Sibalom.

Na-assign sa admin office sang MDRRMO ang biktima kag manug-isa na ka tuig nga nagatrabaho.

Ginpahayag ni Marron nga wala siya sang may nadumduman nga kontra ang biktima bangud ma-inabyanon siya kag pala-istorya.

May nakita nga pilas sa tiil, ulo kag lawas ang biktima suno kay Marron. Nagapadayon ang imbestigasyon sang Sibalom police sa motibo sang insidente. –via BBB