ANINI-Y, ANTIQUE — Nakit-an sa Tawi-tawi ang tatlo ka manugpangisda nga taga-Barangay Sagua nga wala makapauli sang nagpalawod sila sang Enero 2, 2021.

Ginkumpirmar ini sang bata sang manugpangisda nga si Rose Beso. Suno iya las 7 kaina sang aga sang gintawgan sila sang Philippine Coast Guard Antique nga nakit-an na ang ila amay sa Languyan, Tawi-tawi.

Wala pa nakapangusisa si Rose sa iya nga amay kun ano gid ang natabo sa ila apang ginpahayag niya nga maayo na ang iya sitwasyon.

Nadul-ong na sila suno sa iya sa Zamboanga agud nga makabiyahe pa-Iloilo.

Matandaan nga gin-report nga wala makapauli sanday Ruben De la Cruz Beso 51 anyos, amay ni Rose, upod sa iya magulang nga si John Lauren 27 anyos, kag ang ila nga sakay nga si John Javellana 34 anyos. | via Aksyon Reports Afternoon Edition

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply