Iloilo City — Ginsiguro sang Iloilo Festivals Foundation Incorporated (IFFI) ang maayo nga internet connection agud tayuyon nga malantaw ang mga presentation sa highlight sang Dinagyang Digital 2021 subong, Enero 24.

Ginphibalo ini ni IFFI Spokesperson Joyce Clavecillas matapos ginhimo nga digital ang paghiwat sang Dinagyang Festival subong nga tuig bangud sang COVID-19 pandemic.

Malantaw umpisa las 7:00 subong sa aga ang mga presentation sa highlight sang kahiwatan sa Facebook page sang Iloilo Dinagyag, Iloilo City Government, Mayor Jerry TreƱas, IFFI Youtube channel, kag sa Aksyon Radyo Iloilo Facebook page.

Magalawig ini tubtob las 10 sa aga. Pwede man makapamati sa mga radyo ukon makalantaw sa TV ang mga luyag magsaksi sang mga presentation kun wala sang access sa internet ukon sa social media dugang pa ni Clavecillas.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply