Iloilo — Gin-hold up sang tatlo ka lalaki ang negosyante sa Zarraga, kagab-i.
Ginkilala ang biktima kay Jomar Superal, 37-anyos sang Poblacion Ilawod, Zarraga kagab-i, Enero 23.

Suno kay Police Master Sergeant Geofrey Sirue, imbestigador sang Zarraga Municipal Police Station, nagasakay sa motorsiklo ang biktima kag pauli na halin sa ginapanag-iyahan nga balaligyaan sa merkado sang banwa.

Ginbanggaan sang mga suspects ang biktima kag gintayaan sang pusil.

Gin-utod sang isa sa mga suspek ang sling bag sang biktima gamit ang kutsilyo, nga naga-unod sang masobra P300,000 kag duha ka cellphones antes nagpalagyo.

Padayon ang imbestigasyon sang Zarraga police ang insidente.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply