Mga soldado kag ginapatihan NPA rebels, nag-enkwentruhanay sa Leon

By: Aine Grace Bravo | January 25, 2021

ILOILO – Na-engkwentro sang mga soldado ang ginabanta 30 ka ginapatihan miembro sang New People’s Army sa Sitio Tabionan, Brgy. Bucari, Leon las-2:50 kahapon sang hapon, Enero 24.

Suno kay Major. Cenon Pancito III, Spokesperson sang 3rd Infantry Division sang Philippine Army, naglawig sang ginabanta 20 minutos ang pag-engkwentro sa tunga sang tropa sang 61st Infantry Battalion kag mga miembro sang Sibat Platoon, Southern Front sang Komiteng Rehiyon Panay sang NPA.

Naga-conduct sang security patrol ang mga suldado pagkatapos nakabaton sang impormasyon nga may mga NPA members nga nakita sa lugar.

Wala sang may napilasan sa tropa sang gobyerno.

Ginapatihan naman nga may napilasan sa NPA members bangud sang nakita nga mga tinulo sang dugo sa lugar.

Na-recover sa lugar ang 2 Improvised Explosive Device (IED) anti-personnel landmines, detonator, wiring burner, kaldero, kag subversive documents. –via Aljohn Torreta