By: Aine Grace Bravo | January 25, 2021

ILOILO CITY – Wala napaslawan ang mga Ilonggos nga masaksihan ang world class performances sang pito ka mga tribu halin sa mga distrito sa Iloilo City nga nagpasundayag sa One Dinagyang Digital Presentation sa Dinagyang Digital 2021 sa pihak sang COVID-19 pandemic.

Sa awarding ceremony kagab-i, Enero 24, naghatag sang special awards sa mga tribu nga nagpakita sang mas labaw nga performance.

Nakuha sang Tribu Panayanon nga nagrepresentar sang Molo district ang best in music; best in costume and production design kag best in choreography ang nakuha sang Tribu Ilonganon nga nagrepresentar sang Lapuz; best in performance ang Tribu Salognon nga nagrepresentar sang Jaro; kag People’s Choice Award ang Tribu Paghidaet nga nagrepresentar sang La Paz.

Nagpasakop man ang Tribu Baryohanon sang City Proper, Tribu Baybayanon sang Mandurriao kag Tribu Dagatnon sang Arevalo.

Ini ang labing una nga Dinagyang nga pre-recorded kag virtual ang Dinagyang bilang paghalong sa COVID-19. –Aksyon Radyo Iloilo