By: Aine Grace Bravo | January 27, 2021

ILOILO CITY – Nadugangan sang 51 ka bag-o nga recoveries sa COVID-19 ang Western Visayas kahapon, Enero 26.

Gin-report man sang Department of Health 6 ang 34 ka bag-o nga kaso, pero wala sang bag-o nga napatay.

Base sa Case Bulletin No. 305 sang DOH 6, nagpanguna ang Iloilo City nga may pinakamadamo nga bag-o nga kaso nga naglab-ut sa 11; Iloilo province nga may 10; pito sa Negros Occidental; lima sa Bacolod City; kag isa sa Aklan.

Wala sang bag-o nga kaso sa Antique, Capiz, kag Guimaras.

Sa kabug-usan, ang Western Visayas may 22,798 ka kaso – 969 ang active cases; 21,130 ang total recoveries kag 693 ang total deaths. –via DOH 6