47 new cases sang COVID-19, na-record sa Western Visayas kahapon, Enero 27
Iloilo City — Nagdangat na sa 22,845 ang kaso sang COVID-19 sa Western Visayas base sa data nga ginpagwa sang Department of Health 6 subong nga adlaw, Enero 27.
Base sa case bulletin number 306 sang DOH 6, 47 new cases ang nagdugang sa rehiyon.
Iloilo province ang nagpanguna sa may madamo nga bag-o nga kaso nga may 24, ginsundan sang Iloilo City –11, Aklan –8 kag Bacolod City –4.
Wala naman sang may na-record nga bag-o nga kaso sang COVID-19 ang Antique, Capiz, Guimaras, kag Negros Occidental.21,176 ang naka-recover sa COVID-19 bangud sa 46 nga nagdugang.
Tatlo ang nadugang nga napatay rason nga nagdangat na sa 696 ang death toll.