Iloilo – Ipaidalum sa Enhanced Community Qauarantine (ECQ) ang Passi City umpisa las 6 subong nga aga, Enero 28 tubtob sa Pebrero 11, 2021.

Kasunod ini sang madamo nga kaso sang COVID-19 nga na-record sa siyudad kahapon.

Gin-anunsyo ini ni Passi City Mayor Stephen Palmares pagkatapos sang iya meeting sa mga miyembro sang COVID-19 task force sang siyudad subong nga gab-i.

Suno kay Palmares, base sa impormasyon nga nakalab-ot sa iya subong nga gab-i, masobra na sa 100 ang na-record nga kaso sang COVID-19 sa siyudad subong nga Enero 27.

Ini na ang pinakamadamo nga kaso nga na-record sa Passi City sa isa lang ka adlaw suno sa alkalde. Una na gin-report subong nga adlaw nga 84 sa masobra 600 ka mga vendors nga ginpaidalum sa RT-PCR test ang nagpositibo sa COVID-19.Ginpahayag ni Palmares nga ang pagsaka sang na-record nga kaso ang resulta sang mass testing nga ginahimo sang siyudad kada adlaw. | via Passi City LGU

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply