Kalipay, kalangkag, nabatyagan sang pulis sang nakuha ang ‘yes’ sang iya nobya sa iya marriage proposal kadungan sang programa sa PRO 6

By: Aine Grace Bravo | February 2, 2021

ILOILO CITY – Nagpangisog si PCPT Paul Vincent Pendon nga mag-propose sa iya nobya nga magpakasal, wala sapayan sang indi mahangpan nga balatyagon kag may katahap samtang naga-atubang sa mga matag-as nga officials sang Police Regional Office 6.

Ginaplano kuntani ni Pendon ang iya proposal sa nobya nga si Hazel Joy Grate sa pribado nga lugar, apang wala napunggan ang iya balatyagon kag natabu ini sa flag raising ceremony sa PRO 6 kahapon, Pebrero 1.

“I was scared and very nervous kaina, I don’t know kun paano na-deliver ang akon message. Nag-prepare ko sang short speech, pero kun ara ka na sa moment nga na, ma-blangko ka gali. Kun ano man to gin-prepare mo kag indi to halin sa tagipusuon, so nag-speak out lang ang heart ko.”

“It’s all about love,” rason nga wala siya naghuya-huya bisan sa atubang sang ila mga opisyal.

Isa si Pendon sa mga awardees kag ginhatagan sang kahigayunan nga makahambal kadungan sang 30th founding anniversary sang Philippine National Police subong kahapon, nga natuon man sa anibersaryo nila sang iya nobya.

Siyam na ka tuig ang relasyon sang magkahagugma kag mapakasal sila sa masunod nga tuig.

Samo nga kalipay kag kalangkag ang nabatyagan ni PCPT Pendon sang nabaton ang matam-is nga “YES” sang iya nobya. – via Aljohn Torreta