Mga pulis sa Western Visayas, ipa-idalum sa drug test –PRO 6

By: Aine Grace Bravo | February 3, 2021

ILOILO CITY – Ipa-idalum sa drug test ang tanan nga pulis sa Western Visayas.

Ginmandu ini ni Police Regional Office 6 Director PBGEN Rolando Miranda sang gin-assign siya sa rehiyon, suno kay PRO 6 Spokesperson PLTCOL Joem Malong.

Ini man ang reaction ni Malong kasunod sang pagpositibo sa drug test sang pulis sa Negros Occidental Police Provincial Office (NOPPO).

Ginmandu naman ni Miranda ang pagsaylo sang amo nga pulis sa Regional Police Holding and Accounting Unit (RPHAU) sa Kampo Delgado.

Ginhatagan sang 15 ka adlaw ang pulis para sa confirmatory drug test apang kun indi interesado, ipasaka ang kaso nga Conduct of Unbecoming of a Police Officer.

Sang Disyembre 5, 2020, may pulis man sa NOPPO nga nagpositibo sa drug test. –via Aljohn Torreta