270 talipapa vendors sa mga barangay sa Passi City, ginpa-idalom sa RT PCR test — Mayor Stephen Palmares

Passi City, Iloilo — Ginpa-idalom sa RT-PCR Test ang 270 ka mga talipapa vendors sa mga barangay sa Passi City, kahapon, Pebrero 2.

Suno kay Passi City Mayor Stephen Palmares, gin-obra nila ini agud masigurado nga hilway sa COVID-19 ang mga nagabaligya sa mga talipapa sa syudad.

Madumduman nga 131 ka mga vendors sa Passi City Public Market ang nagpositibo sa balatian sang nagligad nga semana.

Dugang pa ni Palmares, nakabaton man sila sang 3,000 ka food packs halin sa Regional IATF, DSWD 6 kag kay Iloilo Gov. Arthur Defensor, Jr agud ipanagtag sa mga residente sang Passi City.