By: JoMaque | Pebrero 4, 2021

Iloilo City — Nagdepensa ang Land Transportation Office (LTO 6) sa sentimiento sang publiko nga “untimely” ang pagpatuman sang Motor Vehicle Inspection System (MVIS) bangud nagapangatubang ang pungsod sang COVID-19 pandemic.

Sa press conference, ginpahayag ni Engr. Arturo Apolinar, LTO 6 Director I nga “overdue” na gid ang amo nga sistema.

Nagabase suno sa iya sa laye ang pagpatuman sang MVIS kag may mandate ang LTO nga siguraduhon nga road worthy ang mga salakyan.

Sa idalum sang Memorandum Circular No. 2018-2158, mandatory ang vehicle inspection suno kay Apolinar.

Ginpaathag naman ni LTO 6 Regional Director Eric Lenard Tabaldo nga tiun na agud ipatuman ang amo nga sistema apang natabuan lang nga may pandemya.

Sang nagligad pa kuntani nga tuig ipatuman ang MVIS pero ginhulat lang nga mapahalugan ang mga quarantine restrictions.

Katuyuan man lang suno sa iya sang LTO nga properly maintained ang mga salakyan agud malikawan ang disgrasya.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply