1 pilason sa militar sa engkwentro batok sa NPA rebels sa San Joaquin, Iloilo
By: Aine Grace Bravo | February 18, 2021
SAN JOAQUIN, Iloilo – Isa ang pilason sa tropa sang militar sa engkwentro batok sa mga miembro sang New People’s Army sa Barangay Iglilico, San Joaquin, Iloilo la-1:50 subong nga hapon, Pebrero 18.
Suno kay Lt. Col. Joel Benedict Batara sang 61st Infantry Battalion sang Philippine Army, nakibyasan sa dughan ang isa nila ka miembro kay yara na sa maayo nga kahimtangan.
Ginpahayag ni Batara nga gin-deploy ang tropa para sa community support program operations.
Ginabanta sa 10 ka miembro sang NPA ang na-engkwentro sang militar, suno kay Batara.
Naglawig sang 20 tubtob 30 minutos ang engkwentro. –via Angel Mae Ciudad
