2 arestado sa buy bust operation sa La Paz; items, natago sa pan de leche nga tinapay

By: Aine Grace Bravo | February 19, 2021

ILOILO CITY – Duha ang arestado sa drug buy bust operation sa La Paz Public Plaza kagab-i, Pebrero 18.

Ginkilala ang mga nadakpan kanday Ranier Amoroso, guwardiya nga may address sa Dela Rama, City Proper, kag Keith Oliver Estoque, waiter sang Rizal Pala-Pala I, City Proper.

Nakuha sa duha ang 15 ka sachets sang suspected shabu –14 diri ang nasulod sa duha ka pan de leche nga tinapay. Ginabanta sa P200,000 ang street value sang mga items, suno sa team leader sang Regional Drug Enforcement Unit Team 3 nga naghimo sang operasyon.

Nakuha pa gid sa duha ang P17,000 nga boodle money, duha ka cellphone kag P100 nga marked money.

Gintinguhaan sang Aksyon Radyo Iloilo News Team nga ma-interview ang duha apang nagpamalibad sila. –via Dave Bucayan