BANATE, Iloilo – Ginkumpirmar ni Banate Mayor Carlos Cabangal nga nagtimbuok sa 62 ang kaso sang COVID-19 sa Banate Public Market.

Suno kay Cabangal, lunsay mga vendors ang 30 ka mga kaso nga nagdugang kahapon, Pebrero 19.

Una na ginpahayag sang alkalde nga kalabanan sa mga nagpositibo ang nagabaligya sa fish section, kag may na-infect man nga nagabaligya sa ugahan.

Yara na sa quarantine facility sang banwa ang mga nagpositibo kag kadumuan sa ila, mga asymptomatic ukon wala sang sintomas nga nabatiyagan.

20 na lang suno sa iya ka resulta sang COVID-19 test ang ila ginahulat. Ginatutukan naman ang mga kabaranggayan kag pamilya sang mga nagpositibo agud masiguro nga indi sila makalagaw.

BAWIUN ANG LOCKDOWN BWAS, PEBRERO 20

Sa pihak sang pagtaas sang kaso, bawion na suno kay Cabangal ang lockdown sa mga areas sa Barangays Poblacion kag Bularan subong, Pebrero 20.

Buksan naman ang merkado kag ang Pala-pala apang may mga adjustments nga himuon ilabe na ang oras sa pagbukas sini.

Gin-ako sang alkalde nga halos tanan nga barangay sa banwa may tag-isa ukon tag-duha ka kaso sang COVID-19 pero amat-amat na nga na-kontrol.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply