Driver sang motorsiklo, patay sang naaksidente sa ginakay-o nga karsada sa Passi City
lloilo — Patay ang driver sang motorsiklo sang na-aksidente sa gina-obra nga karsada sa Barangay Man-it, Passi City kagab-i, Pebrero 20.
Ginkilala ang driver kay Edwardo Rodriguez.Suno kay Police Staff Sergeant Lindley Palomado, imbestigador sang Passi City Police Station, halin sa Dingle si Rodriguez kag papauli sa Man-it sang na-aksidente.
Base sa imbestigasyon sang pulis, nasalakay ni Rodriguez ang signage nga nakaplastar sa gina-obra nga karsada kag natuhog ang iya ulo sa nagalabaw nga kabilya.
May suksok nga helmet si Rodriguez ugaling nagtabog suno kay Palomado.
