78 new cases sang COVID-19, na-record sa Western Visayas kahapon, Pebrero 21

By: Aine Grace Bravo | February 22, 2021

ILOILO CITY – Nagpanguna ang Iloilo Province sa may pinakamadamo nga new cases sang COVID-19 sa Western Visayas base sa data nga ginpaguwa sang Department of Health 6 kahapon, Pebrero 21.

31 sa 78 ka bag-o nga kaso ang naghalin sa probinsya sang Iloilo. Ginsundan ini sang Aklan nga may 15; Iloilo City nga may 14; Guimaras nga may walo; Anum sa Capiz; kag Apat sa Negros Occidental.

Sa kabug-usan, 24,475 na ang kaso sang COVID-19 sa rehiyon 6 nga may 1,107 ka active cases.

23 naman ang nadugang sa mga nag-ayo rason nga naglab-ot na sa 22,626 ang total recoveries kag 736 naman ang total deaths bangud sang duha ka bag-o nga napatay. –via DOH 6