65 new recoveries sang COVID-19, na-record sa Western Visayas kahapon, Pebrero 22

By: Aine Grace Bravo | February 23, 2021

ILOILO CITY – 26 gid sa 31 ka bag-o nga kaso sang COVID-19 nga nadugang sa Western Visayas kahapon, Pebrero 22, ang local cases ukon wala sang travel history sa guwa sang Rehiyon 6.

Nagpositibo man sa COVID-19 ang lima ka mga Locally Stranded Individuals (LSIs), base sa Case Bulletin No. 332 sang Department of Health 6.

Sa bag-o nga kaso, 14 halin sa Iloilo province; anum sa Iloilo City; lima sa Negros Occidental; tatlo sa Aklan; duha sa Antique; kag isa sa Bacolod City. Wala sang bag-o nga kaso sa Guimaras kag Capiz.

Gin-report man sang DOH 6 ang 65 ka bag-o nga recoveries kag isa ka bag-o nga napatay rason nga naglab-ut na sa 22,691 ang kabug-usan nga nag-ayo, samtang 737 ang total deaths bangud sa COVID-19.

Sa kabug-usan ang Western Visayas may 24,506 kag 1,072 ang active cases ukon wala pa naka-recover sa virus. –via DOH 6