By: Aine Grace Bravo | February 24, 2021

ILOILO CITY – Dakup si Roberto Lavalle, 52-anyos sang Aguinaldo, La Paz sa drug buybust operation sa Rizal, La Paz kagab-i, Pebrero 23.

Nakapalagyo naman ang isa pa ka subject nga si Jesmar Soliman, 32-anyos sang Lopez Jaena Sur, La Paz.

Na-recover ang lima ka bulto sang suspected shabu, P28,200 nga buy bust money kag drug paraphernalia.

Ginhimo ang operasyon sang Regional Police Drug Enforcement Unit.

Suno kay PLTCOL Mark Anthony Daroca sang RPDEU, nakapalagyo si Soliman sang namutikan niya nga pulis ang ila ka transaksyon.

Ginpahayag ni Daroca nga ginbalabagan pa sang live-in partner ni Soliman ang poseur buyer sang ginlagas siya rason nga gin-aresto man si Annielyn Moreno. – via Farrah Mae Morano