Iloilo City—44 ka barangay sa probinsiya sang Iloilo ang ginakabig sang Philippine Army nga “red areas” ukon may affectation sang Communist Party of the Philippines-New Peoples Army (CPP-NPA).

Suno kay Brig. General Marion Sison, Commander sang 301st Infantry Battalion, red area ang ila pagkabig kun naka-organize sang grupo ang NPA sa barangay.

Masami ini makita sa mga malayo ukon nabukid nga lugar. Diri suno sa iya ang armado nga mga miyembro sang komunista nga grupo.

Ang “white area” naman amo ang barangay nga ginateniran sang legal organizations sang komunista nga grupo.

Diri nagahalin ang mga miembro nga ginagamit sa tiun sang rally kag demonstration kag diri man ginadala ang logistics nga ginapasaka sa kabukiran, “nandito ang mga legal organizations nila,” suno kay Sison.

Masami ini makita sa urban areas. May 35 ka barangay sa siyudad sang Iloilo nga makabig “white areas” suno kay Sison.

“Isa sa may maraming affected barangays ng komunistang terorista ang probinsiya ng Iloilo,” dugang pa ni Sison.

Suno pa sa iya, wala sang salabton ang mga barangay officials sa mga ma-identify nga red ukon white areas pero may liability sila kun indi nila mapatuman ang ila responsibilidad bilang head sang Barangay Task Force to End Local Communist Armed Conflict. — via Aksyon Hotline

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply