By: Aine Grace Bravo | February 24, 2021

ILOILO CITY – Nadugangan sang 94 ka bag-o nga recoveries sa COVID-19 ang Western Visayas kahapon, Pebrero 23.

Gin-report man sang Department of Health 6 ang 35 ka bag-o nga kaso kag isa ka bag-o nga napatay.

Sa 35 new cases, 34 gid ang local cases ukon wala sang travel history sa guwa sang Rehiyon 6, samtang isa ang returning overseas Filipino (ROF) sa diin tag-12 ka kaso halin sa Aklan kag Iloilo City; walo sa Iloilo province; duha sa Bacolod City; kag isa sa Capiz.

Wala sang bag-o nga kaso sa Antique, Guimaras, kag Negros Occidental.

Bangud sini, ang Western Visayas may 24,541 na ka kaso lakip ang 1,012 ka active cases ukon wala pa naka-recover, 22,785 ka total recoveries kag 738 ka mga nagkalamatay bangud sa COVID-19. –via DOH 6