By: Jo Maque/Aine Grace Bravo | February 25, 2021

QUEZON CITY – Duha ka pulis, isa ka PDEA agent kag isa ka informant ang patay sang nagresulta sa tiruhay sa tunga sang mga agents sang PDEA kag mga pulis ang ginhimo nga drug buy bust operation sa Quezon City kahapon, Pebrero 24.

Ginkumpirmar ni National Capital Region Police Office chief PBGEN Vicente Danao nga duha ka pulis ang napatay.

Sa PDEA-PNP joint briefing kaina sang hapon, Pebrero 25, ginkumpirmar ni PDEA Director General Wilkins Villanueva nga napatay ang ila informant. Magluwas pa ini sa ila isa ka agent nga una na gin-confirm nga napatay.

Isa pa ka pulis kag tatlo ka PDEA agents ang pilason.

PAANO NATABO ANG SHOOTING?

Base sa una nga report sang Batasan Police Station 6, naghimo sang operasyon ang mga personnel sang Quezon City Police District – District Special Operations Unit las-5:45 kahapon sang hapon.

Nakabutang sa incident report nga wala nakahibalo ang operating team nga PDEA agents ang ila gina-transaksyon.

Gin-alegar sang police nga una nga nagpalupok ang PDEA agents sang may natabu nga komprontasyon gani nagbalos ang mga pulis.

Suno naman kay PBGEN Danao, “nangyayari talaga ito lalo na kapag hindi nagkaka-amuyan.

“Indi pa maathag suno kay Danao kun paano kag ngaa natabo ang insidente bangud wala pa nakapaguwa sang tul-id nga impormasyon ang PDEA kag PNP.

“PNP-PDEA Board of Inquiry”

Gilayon nga nagtukod sang Special Investigation Task Group (SITG) nga maga-imbestigar sa natabu.

Sa statement sang PNP, gintukod ang PNP-PDEA Board of Inquiry agud ma-determinar ang kamatuoran sa insidente kag matumod ang dapat magpanabat.

Suno kay Danao, gin-appoint ang Criminal Investigation and Detection Group (CIDG) nga magapanguna sa imbestigasyon samtang ang NCRPO ang gin-designate nga maga-supervise sa imbestigasyon.

Nagkasugot man ang PNP kag PDEA kag nagpasiguro sa publiko nga indi makaapekto ang insidente sa pagpadayon sang operational relationships kag koordinasyon sa madugay na nga tiun sa pagbatu sa illegal nga druga.

Samtang, ginmanduan man ni Justice Secretary Menardo Guevarra ang NBI nga mag-conduct sang parallel investigation sa insidente.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply