Ajuy, Iloilo — Isa ang patay kag lima ang pilason sang nagbunggu-anay ang duha ka motorsiklo sa Poblacion, Ajuy las 6:30 kagab-i, Pebrero 27.

Ginkilala ang napatay kay Leonardo Palmes, driver sang motorsiklo nga may pilas sa ulo kag lawasSamtang, kritikal naman ang kondisyon sang tatlo niya ka mga bata nga lunsay menor-de-edad.

May pilas sa ulo kag sa nagkalain-lain nga parte sang ila lawas ang tatlo ka bata ni Palmes nga babaye nga naga-edad 11-anyos, 10-anyos nga babaye kag apat ka tuig nga lalaki.

Suno kay PLt. Danilo Noca, hepe sang Ajuy PS, halin sa ila balay sa Barangay Bagaygay, Sara si Palmes kag ang tatlo niya ka bata.

Matambong sa birthday sang iya amay si Palmes upod ang tatlo niya ka bata sa Barangay Culasi, Ajuy.

Base sa imbestigasyon sang Ajuy police, nag-over take sa ginasundan nga salakyan si Willie Roque nga driver sang motorsiklo kag naagaw ang linya ni Palmes rason sang pagbunggu-anay.

Pilason man ang backrider ni Roque nga si Resty Herida.

Gin-custody sa Ajuy Police Station si Roque.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply