Iloilo City, may reservation na sang Janssen COVID-19 vaccines — Mayor Jerry Treñas

Iloilo City—May reservation na sang COVID-19 vaccines sang Janssen Pharmaceutical Companies sang Johnson & Johnson ang Iloilo City.

Suno kay Mayor Jerry Trenas, “May reservation na kita sa Janssen [COVID-19 vaccine] sang Johnson & Johnson.

Maayo ni ya kay single dose. Pagka-injection sa imo indi mo na kinahanglan magbalik.”Ini magluwas pa sa gin-order nga AstraZeneca vaccines sang city government nga ginalauman maabot sa Hulyo.

Nagapakig-angut man ang alkalde kay Vaccine Czar Carlito Galvez Jr agud mag-request sang Sinovac vaccines nga gindonar sang China bangud may doctor sa siyudad nga handa magpatublok sa amo nga bakuna.