Iloilo City—Naga-lobby si Iloilo City Mayor Jerry Treñas sa AstraZeneca kun puwede nga mas mapatemprano ang pag-deliver sang ila AZD 1222 vaccines.

Suno sa alkalde, nagpasalig ang representative sang AstraZeneca nga si Victor Sepulveda nga tinguhaan nila nga ma-deliver sa Hunyo ang bakuna, isa ka bulan antes ang nakasugtan nga bulan sang delivery.

Hulyo suno kay Treñas ang una nga target nga maabot ang bakuna sang AstraZeneca.

Suno kay Treñas, “Ang isa ka bulan nga difference will mean a lot because we can start inoculating.”

Pananglitan mag-abot ang bakuna, dal-un ini sa central storage facility sang city government sa Jubilee Hall sa diin ginbutang ang mga vaccine refrigerators.

600,000 ang gin-order nga bakuna sang Iloilo City sa AstraZeneca.

Nagapakig-angut man ang city government sa Department of Health para sa mga supplies nga kinahanglanon pananglitan magsugod na ang vaccination.

Lakip diri suno sa alkalde ang 800,000 ka syringes nga gamiton sa pagbakuna.

Kinahanglan suno kay Treñas nga makakuha sang supply subong bangud indi ini mahapos pangitaun ilabe na nga ang tanan nagapangita man sang pareho nga kinahanglanon.

Magluwas diri may pagkinahanglan man para sa supply sang cotton balls kag distilled water sa pagpangbakuna dugang pa sang alkalde.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply