By: Aine Grace Bravo | March 2, 2021

DUEÑAS, Iloilo – Arestado ang punong barangay sang Calang, Dueñas bangud sa illegal nga pagpanag-iya sang pusil kag granada.

Suno kay Criminal Investigation and Detection Group (CIDG) Regional Field Unit 6 acting chief PLTCOL Gervacio Balmaceda, Jr., nakabaton sila sang impormasyon nga involved sa gun running activities si Punong Barangay Joewinny Giganto gani naghimo sang operation.

Las 5:30 kaina sang kaagahon, Marso 2, sang ginserbe ang search warrant kay Giganto kag na-recover sa iya balay ang .45 caliber, granada, holster, magazine, kag pito ka bala sang .45 caliber.

Suno kay Balmaceda, may utod ang kapitan nga leader sang New People’s Army sa Capiz.

Ginatinguhaan sang Aksyon Radyo Iloilo nga makuhaan sang pahayag si Giganto.

Gina-validate man sang Aksyon Radyo Iloilo ang ginpahayag kaangtanan sang kapitan sa CPP-NPA. – via Aljohn Torreta