By: Aine Grace Bravo | March 3, 2021

ILOILO CITY – Nagalab-ut na sa 25,011 ang kaso sang COVID-19 sa Western Visayas sang nadugang ang 32 ka new cases kahapon, Marso 2.

Sa bag-o nga kaso, 23 ang local cases ukon wala sang travel history sa guwa sang Rehiyon 6, walo ang Locally Stranded Individuals (LSIs), kag kag isa ang authorized person outside of residence (APOR).

Nagpanguna ang Iloilo City nga may pinakamadamo nga bag-o nga kaso nga naglab-ut sa 13; Negros Occidental – walo; Aklan – lima; Iloilo province – apat; Capiz kag Bacolod City nga may tag-isa ka kaso.

Wala sang bag-o nga kaso sa Antique kag Guimaras.

Nadugangan man ang rehiyon sang 36 ka new recoveries kag wala sang bag-o nga napatay.

Sa kabug-usan nga kaso, 1,189 pa ang active cases; 23,075 ang total recoveries samtang nagapabilin sa 741 ang total deaths bangud sa COVID-19. – via DOH 6