Iloilo St. Paul’s Hospital, posible maga-umpisa sang vaccination sa ila mga health workers sa Lunes, Marso 8

Iloilo City — Ginpahibalo ni Dr. Ella Mae Divinagracia sang Iloilo St. Paul’s Hospital nga posible maga-umpisa na sila sang ila vaccination sa mga health workers sa Lunes, Marso 8.

Suno kay Divinagracia, nagpatawag sang meeting kaina sang aga ang Department of Health 6 kag ginpahibalo sa ila nga maga-abot subong nga semana ang gin-alokar nga vaccines sa Western Visayas.

Dugang pa niya, nakapadala na sila sang sulat sa kada department sang ila hospital para mahibaluan kun sin-o ang luyag kag indi magpabakuna sang Sinovac vaccines.

Ginklaro man ni Divinagracia, ginahatagan nila sang tyempo ang ila mga health workers sa pagpanumdum kag wala nila ginapilit sa pagpabakuna.

Ang indi magpabuka nga health workers sang Sinovac vaccines ang magahulat na lang sang masunod nga bakuna nga maga-abot.