Ilongga OFW sa Saudi Arabia, naghikog-patay

Guimaras — Ginkakibot sang bana sang OFW nga taga San Lorenzo, Guimaras ang paghikog sang iya asawa nga naga-trabaho sa Riyadh, Saudi Arabia kahapon sang aga, Marso 6.

Nakit-an na lang sang bana sa Facebook ang ginhimo sang iya asawa.Sa pagpangusisa ni Aksyon Radyo Iloilo Guimaras Correspondent Robert Pacardo sa bana, ginpahayag niya nga maayo pa ang ila pag-istoryahanay sang iya asawa sang gab-i antes siya naghikog.

Wala man sang patimaan nga nakita ang bana nga may malain nga himuon ang iya nga asawa.

Isa ka tuig na nga nagatrabaho sa Riyadh ang asawa nga taga-New Lucena, Iloilo kag masami man sila nga naga-istoryahanay sang iya nga bana sa chat.

Indi pa matumod sang bana kun ano gid ang rason sang paghikog sang iya nga asawa. Sa Guimaras nakapamana ang OFW kag may duha na sila ka mga kabataan.