Guimaras- Patay ang 19-anyos nga babaye matapos nalumos sa baybayon sakop sang Sitio Baybay, Brgy. Suclaran, San Lorenzo, Guimaras las-kuwatro kahapon sang hapon, Abril 3.

Suno kay Police Executive Master Sergeant Benigno Bayoneta sang San Lorenzo Municipal Police Station, nagpanghagad nga magpaligo sa dagat si Renalyn Santero, 19 sang San Isidro, Jaro kanday Alpe Eluriaga, 24, kag sa hinablos ni Eluriaga nga 13-anyos nga babaye.

Samtang nagapaligo sila nga tatlo, gulpi lang naigo sang mabaskog nga balod rason nga nalumos sila.

Gintinguhaan pa ni Eluriaga nga salbaron si Santero pero naanod siya sa dagat.

Nakasalbar si Eluriaga kag ang 13-anyos.Ginrespondihan naman sang mga rescuers ang babaye kag sang nasalbar, gilayon nga gindala sa Dr. Catalino G. Nava Provincial Hospital apang gindeklarar nga napatay. — via Farrah Mae Morano

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply