4 arestado lakip ang 1 police bangud sang pagbulang sa San Joaquin
SAN JOAQUIN, ILOILO — Apat ang arestado lakip na ang isa ka police sa gin-conduct nga ant-illegal gambling operation sang San Joaquin police sa Brgy. Torcadan las 12:30 kaina sang hapon, Abril 4.
Ginkilala ang mga nadakpan kanday SSgt. Jose Digcabo-on, 43 anyos sang Nam-o Norte, Miag-ao; Jolly Seat Sealza, 55 anyos; Rogelio Servandi, 55 anyos pareho nga mga residente sang Brgy. Matambog, San Joaquin, Iloilo; kag Paul Panganitan, 20 anyos sang Brgy. Siwaragan, San Joaquin.
Na-aktuhan sang mga otoridad ang mga nadakpan nga nagabulang.
Na-recover sang kapulisan ang tatlo ka buhi kag pito ka patay nga mga fighting cocks, 20 ka mga bayong, kag bet money nga P1,900. — via San Joaquin MPS
