Alkalde sang Sibalom, Antique, nagpositibo s COVID-19
ANTIQUE – Ginkumpirmar ni Sibalom, Antique Mayor Gian Carlo Occeña ang pagpositibo niya sa COVID-19 paagi sa iya ginpaguwa nga official statement subong nga adlaw, Abril 6.
Suno sa alkalde, Abril 3 siya sang nagpaidalom sa RT-PCR test kag Abril 4, nagguwa ang resulta nga infected siya sang virus. May contact siya suno sa iya sa opisyal nga nagpositibo sa COVID-19.
Nakabatiyag siya sang pagpalangatol sang iya tutunlan, apat ka adlaw matapos ang contact niya sa COVID-19 positive sang Marso 23, 2021.
Marso 29 sang ginhilanat siya, gin-ubo sang Abril 3 kag nabudlayan sa pagginhawa kabangdanan nga gin-abisuhan nga magpa-admit sa ospital.
Sa subong suno kay Occeña, estable na ang iya kondisyon. Padayon man ang iya panugyan sa mga residente nga padayon mag-obserbar sang minimum health standards. — via Sibalom LGU