179 health workers sa Iloilo St. Paul’s Hospital, nakompleto na ang 2 doses sang Sinovac COVID-19 vaccine
Iloilo City — Nakompleto na sang 179 ka mga health workers sang Iloilo St. Paul’s Hospital ang pagpa-inject sang duha ka doses sang Sinovac COVID-19 vaccine.
Isa sa ila si Dr. Ella Mae Divinagracia, infectious disease specialist sang ISPH. Marso 5sang nagpatublok siya sang una nga dose samtang sang Abril 2 naman para sa ika-duha nga dose. Ginpahayag ni Divinagracia nga wala siya sang nabatyagan nga adverse reactions kasubong sang hilanat kag pagpalanakit sang lawas.
Gin-athag niya nga nagpabakuna siya sang Sinovac bangud indi siya makasigurado kun san-o naman mangin available ang bakuna batok sa COVID-19.
Sa 1,191 ka personnel sang ISPH, 910 ang nabakunahan sang una nga dose sang Sinovac samtang, 281 naman sa AstraZeneca. — via PM Reports